ABŞ nüvə enerjisində Çindən 15 il GERİ QALIR

ABŞ nüvə enerjisində Çindən 15 il GERİ QALIR

Baxış sayı: 194 dəfə baxılıb.

Vaşinqtonda yerləşən İnformasiya Texnologiyaları və İnnovasiyalar Fondunun hesabatında Çinin nüvə enerjisi sahəsində ABŞ-ni geridə qoyduğu bildirilib.

Sfera.az xarici KİV-ə istinadən xəbər verir ki, dünən dərc olunan hesabatda Çinin nüvə enerjisi sahəsində dünyanın aparıcı ölkələri sırasında olduğu bildirilib.

Qeyd edilib ki, Çin 2035-ci ilə qədər 150 yeni nüvə reaktorunu tamamlamağı planlaşdırır, 27 reaktorun tikintisi isə davam edir. Bu reaktorların orta tikinti müddəti təxminən yeddi ildir. Rəqabət edən ölkələrlə müqayisədə bu dəfə daha sürətlidir.

Hesabatda Pekinin dövlət tərəfindən dəstəklənən texnologiya yanaşmasının və geniş maliyyələşdirməsinin üstünlük verdiyi və ABŞ-nin yüksək texnologiyalı nüvə enerjisini inkişaf etdirməkdə Çindən təxminən 15 il geri qaldığı vurğulanıb.

Çin keçən il dünyanın ilk 4-cü nəsil nüvə reaktorunu istifadəyə verib.

Çinin 2030-cu ilə qədər nüvə enerjisindən elektrik enerjisi istehsalına görə ABŞ-ni keçəcəyi təxmin edilir.

Ümumilikdə ABŞ-də 94, Çində isə 56 nüvə reaktoru var. Bununla belə, hesabata görə, Çin son 10 ildə nüvə potensialını üç dəfə artıraraq, ABŞ-nin 40 ildə əldə etdiyi nüvə gücünə 10 ildə nail olub.