Avropa çempionatı: Azərbaycan millisi qrupun son oyununda İsveçə məğlub olub
Qadın voleybolçulardan ibarət Azərbaycan millisi Almaniyanın Düsseldorf
şəhərində keçirilən Avropa çempionatında növbəti oyununu keçirib.
Cixisyolu.com-ın məlumatına görə, Ataman Güneyligilin yetirmələri yer aldıqları C
qrupunun son matçında İsveçlə qarşılaşıblar.
Yığmamız rəqibdən yalnız bir set ala bilib. Ümumi nəticədə isə isveçlilər 3:1
(25:17, 17:25, 25:21, 25:18) hesablı qələbə qazanıblar.
Digər matçda Yunanıstanı 3:0 hesabı ilə üstələyən Türkiyə millisi qrup
birinciliyini təmin edib.
Qrup mərhələsinə avqustun 24-də keçiriləcək Çexiya – İsveç və Türkiyə –
Almaniya oyunları ilə yekun vurulacaq.