Azərbaycan ət idxalını artırıb
Bu ilin yanvar-fevral aylarında Azərbaycana 7 min 322 ton ət idxal edilib.
Dövlət Gömrük Komitəsindən verilən məlumata görə, bu həcmdə ətin dəyəri 11
milyon 992 min ABŞ dolları təşkil edib.
Bu, həcm baxımından 2022-ci ilin müvafiq dövrü ilə müqayisədə 137 ton (1,9 %)
çoxdur, dəyər baxımından isə 139 min ABŞ dollar (1,1 % ) azdır.
Xatırladaq ki, yanvar-fevral aylarında quş əti də daxil olmaqla diri çəkidə
90,4 min ton ət, 322,3 min ton süd, 355,6 milyon ədəd yumurta istehsal edilib,
bir il əvvələ nisbətən ət istehsalı 2,8%, süd istehsalı 1,1% və yumurta
istehsalı 16,1% artıb.