Azərbaycan Kuboku: “Qəbələ” geridönüş etməklə finala yaxınlaşdı
Futbol üzrə Azərbaycan Kubokunda yarımfinal mərhələsinə start verilib/
Cixisyolu.com xəbər verir ki, ilk matçda “Qəbələ” “Səbail”i qəbul edib.
Qəbələ şəhər stadionunda keçirilən matçda meydan sahibləri 3:2 hesablı qələbə
qazanıblar. Qarşılaşmanın ilk 20 dəqiqəsində paytaxt klubu iki topluq üstünlük
qazansa da, bunu qoruya bilməyib.
Hissənin sonuna qədər “Qəbələ” fərqi azaldıb. “Qırmızı-qaralar” ikinci yarıda
daha iki qol vuraraq, geridönüşlə qələbə qazanıblar.
Tərəflər arasındakı cavab görüşü aprelin 27-də baş tutacaq.
Aprelin 19-da gerçəkləşəcək digər yarımfinal qarşılaşmasında “Neftçi” “Turan
Tovuz”un qonağı olacaq.