Azərbaycan millisi Millətlər Liqasında növbəti qələbəsini qazanıb
Bizim WhatsApp kanalımıza buradan abunə ola bilərsiniz
Qadın futbolçulardan ibarət Azərbaycan millisi UEFA Millətlər Liqasında
növbəti qələbəsini qazanıb.
Cixisyolu.com xəbər verir ki, C Liqasının III qrupunda yer alan Siyasət Əsgərovun
yetirmələri “Dalğa Arena”da Monteneqronu 3:0 hesabı ilə məğlub ediblər.
Ukraynalı hakim Anastasiya Romanyukun idarə etdiyi görüşdə yığmanın qollarını
58-ci dəqiqədə Manə Mollayeva, 62-ci dəqiqədə Nazlıcan Parlak, 84-cü dəqiqədə
isə Ayşən Əhmədova vurublar.
Qeyd edək ki, Azərbaycan millisi IV turdan sonra 10 xalla qrup lideridir.
İkinci pillədəki Monteneqronun hesabında 6 xal var. Komandamız Millətlər
Liqasında növbəti oyununu dekabrın 1-də səfərdə Kipr yığmasına qarşı keçirəcək.