Azərbaycanda tanınmış alim vəfat etdi – FOTO
Bizim WhatsApp kanalımıza buradan abunə ola bilərsiniz
Tanınmış tədqiqatçı, etnoqraf AMEA-nın Tarix və Etnologiya İnstitutunun
aparıcı elmi işçisi Emil Kərimov vəfat edib.
Bu barədə Tarix İnstitutundan xəbər verilib.
O, 90 yaşında dünyasını dəyişib.
Qeyd edək ki, Emil Kərimov 1933-cü il mayın 15-də Qərbi Azərbaycanın İrəvan
şəhərində anadan olub, 1948-ci ildə Azərbaycanlılara qarşı kütləvi deportasiya
nəticəsində Xanlar rayonuna köçürülüb. O, 1960-1963-cü illərdə Rusiya EA
Etnoqrafiya və Antropologiya İnstitutunun aspirantı olub. O, 1963-cü ildən
Azərbaycan EA Tarix İnstitutunda elmi işçi vəzifəsində işləyib. 5
monoqrafiyanın və 100-ə yaxın elmi məqalənin müəllifi olub.
Emil Kərimovun “Etnoqrafiya” ixtisası üzrə kadr hazırlanması işində xidmətləri
çox böyükdür. O, 2003-cü ildən 2023-cü ilin mart ayınadək Müasir dövr
etnoqrafiyası şöbəsinə rəhbərlik edib.
