Azərpaşa Nemətov dəfn olundu – YENİLƏNİB + FOTO/VİDEO
Azərbaycanın Xalq artisti, Teatr Xadimləri İttifaqının İdarə Heyətinin sədri,
Azərbaycan Dövlət Akademik Milli Dram Teatrının bədii rəhbəri-baş rejissoru və
direktoru Azərpaşa Nemətov dəfn olunub.
“Report” xəbər verir ki, mərhum İkinci Fəxri xiyabanda torpağa tapşırılıb.
Dəfn mərasimində Azərbaycan Dövlət Akademik Milli Dram Teatrında keçirilən
vida mərasimində incəsənət xadimləri, mərhumun ailə üzvləri və yaxınları
iştirak ediblər.
13:17
Azərbaycanın Xalq artisti, Teatr Xadimləri İttifaqının İdarə Heyətinin sədri,
Azərbaycan Dövlət Akademik Milli Dram Teatrının bədii rəhbəri-baş rejissoru və
direktoru Azərpaşa Nemətov ilə vida mərasimi başa çatıb.
“Report” xəbər verir ki, Azərbaycan Dövlət Akademik Milli Dram Teatrında
keçirilən vida mərasimində incəsənət xadimləri, mərhumun ailə üzvləri və
yaxınları iştirak edirlər.
Hazırda mərhumun nəşi dəfn olunmaq üçün İkinci Fəxri xiyabana aparılır.
12:30
Azərbaycanın Xalq artisti, Teatr Xadimləri İttifaqının İdarə Heyətinin sədri,
Azərbaycan Dövlət Akademik Milli Dram Teatrının bədii rəhbəri-baş rejissoru və
direktoru Azərpaşa Nemətov ilə vida mərasimi keçirilir.
“Report” xəbər verir ki, Milli Dram Teatrında keçirilən vida mərasimində
dövlət rəsmiləri, mədəniyyət və incəsənət xadimləri, mərhumun ailə üzvləri və
yaxınları iştirak edirlər.
Mərasimdən sonra mərhum İkinci Fəxri xiyabanda dəfn ediləcək.
Qeyd edək ki, Azərpaşa Nemətov 1947-ci ildə Bakı şəhərində anadan olub. O,
Azərbaycan Dövlət Konservatoriyasında, dünya şöhrətli bəstəkar Qara Qarayevin
sinfində təhsil alıb. Tələbəlik illərində mahnılar da bəstələyib, amma
gözlənilmədən qənaətini dəyişib. 1965-ci ildə Teatr İnstitutunun rejissorluq
fakültəsinə daxil olub. Məşhur rejissor Mehdi Məmmədovun kursunu bitirərək iki
il sonra onun yanında assistent-müəllim işləyib. 1972-ci ildə Gənc Tamaşaçılar
Teatrında əvvəl rejissor assistenti, sonra quruluşçu rejissor işləyib.
1974-1977-ci illərdə Sankt-Peterburq teatrında. 1977-ci ildə Bakıya qayıdaraq
Gənc Tamaşaçılar Teatrında rejissor və baş rejissor işləyib.
1990-cı aprel ayının 20-dən Azərbaycan Dövlət Akademik Milli Dram Teatrının
quruluşçu rejissoru işləyib. 1991 və 1996-cı illərdə isə Teatr Xadimləri
İttifaqı İdarə Heyətinin sədri seçilib. 2015-ci ildə Azərbaycan Dövlət Akademik
Milli Dram Teatrının bədii rəhbəri-baş rejissoru vəzifəsinə təyin edilib.
2016-cı ildən Azərbaycan Dövlət Akademik Milli Dram Teatrının baş direktoru idi.
1991-ci ildən Azərbaycan Teatr Xadimləri İttifaqına da rəhbərlik edən Azərpaşa
Nemətovun fəaliyyəti dövlət tərəfindən yüksək qiymətləndirilib. Teatr sənəti
sahəsində xidmətlərinə görə 1987-ci ildə Əməkdar incəsənət xadimi, 2002-ci ildə
Xalq artisti fəxri adlarına, 2007-ci ildə “Şöhrət”, 2022-ci ildə “Şərəf”
ordenlərinə layiq görülüb.
O, aprelin 9-da 76 yaşında dünyasını dəyişib.
Daha çox foto burada: PhotoStock.az
