Bərdədə silahlı insident olub, yaralanan var
Bərdədə silahlı insident olub, yaralanan var.
“Report”un Qarabağ bürosunun hadisə şahidlərinə istinadən verdiyi xəbərə görə,
hadisə bu gün axsam saatlarında Bərdə şəhəri, 26-lar adlanan ünvanda qeydə
alınıb.
DİN-in Mətbuat Xidmətinin Bərdə regional qrupundan “Report”a bildirilib ki,
1978-ci il təvəllüdlü Ruhi Məmmədov şəxsi münasibətlər zəminində öz qonşusu
1993-cü il təvəllüdlü Elşad Məmmədova ov tüfəngindən atəş açaraq xəsarət
yetirib.
E.Məmmədov xəstəxanaya çatdırılıb, ilkin tibbi yardım göstərilib, vəziyyəti
qənaətbəxşdir.
R.Məmmədov polis əməkdaşları tərəfindən keçirilən tədbirlər nəticəsində
saxlanılıb.
Faktla bağlı Bərdə RPŞ-də araşdırma aparılır.