“Barselona” Madriddə xal itirdi, Qrizman “Atletiko”ya qələbə qazandırdı – VİDEO
İspaniya La Liqasında XXIX tur davam edir.
Cixisyolu.com xəbər verir ki, lider “Barselona” Madriddə “Xetafe”nin qonağı olub.
Matçda hesab açılmayıb – 0:0.
“Barselona” 73 xalla vahid liderdir və ən yaxın izləyicisi “Real Madrid”i 11
xal üstələyir.
Madrid “Atletiko”su isə “Almeriya”nı qəbul edib. “Hindular” qələbə qazanıblar
– 2:1.
Madridlilərin heyətində Antuan Qrizman dubl edib. Xose Mariya Ximenes isə
avtoqol müəllifi olub.
Xallarını 60-a çatdıran “Atletiko” əvvəlki kimi 3-cü pillədədir.