“Bavariya” Fələstinə dəstək olan futbolçu ilə bağlı açıqlama yaydı
Bizim WhatsApp kanalımıza buradan abunə ola bilərsiniz
Almaniyanın “Bavariya” klubu futbolçusu Nussair Mazrauini məşqlərdən
kənarlaşdırmayıb.
Bu barədə Münhen təmsilçisinin saytı məlumat yayıb. Bildirilir ki, klub
rəhbərliyi ilə mərakeşli futbolçu arasında söhbət aparılıb. Onun iki həftə
əvvəl sosial şəbəkə hesabında İsrail – Fələstin münaqişəsi ilə bağlı paylaşımı
müzakirə olunub. Oyunçu terroru pislədiyini bildirib.
“Bavariya”nın klub olaraq Almaniyanın yəhudi icmasının və İsrailin yanında
olduğu bəyan edilib.
Mazrauinin məşqlərdə iştirak etməməsinə gəlincə, bu, onun Mərakeş millisinin
heyətində olarkən zədələnməsi ilə əlaqələndirilib.