Dünya çempionatı: Azərbaycan minifutbol millisi 1/4 finala yüksəlib
Bizim WhatsApp kanalımıza buradan abunə ola bilərsiniz
Minifutbol üzrə Azərbaycan millisi Birləşmiş Ərəb Əmirliklərinin Ras Əl-Xayma
şəhərində təşkil olunan dünya çempionatında 1/4 finala yüksəlib.
“Report”un məlumatına görə, yığma 1/8 final mərhələsində Portuqaliyaya qalib
gəlib.
G qrupunda keçirdiyi hər üç görüşdə qələbə qazanan Elşad Quliyevin yetirmələri
rəqibini 3:0 hesabı ilə üstələyərək, uğurlu seriyanı davam etdiriblər.
Komandamızın heyətində 30-cu dəqiqədə Mirmehdi Rzayev, 46-cı dəqiqədə Elvin
Əlizadə, 49-cu dəqiqədə isə Rəvan Kərimov fərqləniblər.
Millimiz 1/4 finalda Bolqarıstan – İngiltərə cütünün qalibi ilə qarşılaşacaq.
Yarımfinala vəsiqə uğrunda matç noyabrın 2-də olacaq.