Humanitar yardım daşıyan daha 39 yük avtomobili Qəzzaya daxil olub
Bizim WhatsApp kanalımıza buradan abunə ola bilərsiniz
Humanitar yardım daşıyan ən azı 39 yük avtomobili bazar ertəsi Misirlə
sərhəddə yerləşən “Rəfah” nəzarət-keçid məntəqəsindən Qəzza zolağına daxil olub.
Verilən məlumata görə, son 10 gündə “Rəfah” nəzarət-keçid məntəqəsi vasitəsilə
Qəzza zolağına humanitar yardım aparan yük avtomobillərinin ümumi sayı 171-ə
çatıb. Hesabatda həmçinin qeyd olunub ki, su, qida və dərman vasitələrindən
ibarət olan humanitar yardımın ümumi həcmi yüzlərlə tondur.
Bir gün əvvəl Fələstin Qızıl Aypara Cəmiyyətinin nümayəndəsi Nibal Farsah
bildirib ki, Qəzza zolağına gələn humanitar yardım anklav sakinlərinin
ehtiyaclarının təxminən üç faizini ödəyir. O, su, qida və dərman vasitələrinə,
həmçinin təcili yardım maşınları və xəstəxanalarının işləməsi üçün yanacağa
kəskin ehtiyac olduğunu söyləyib.
Mənbə: TASS