Kanadada çay sahilindən altı nəfərin meyiti tapıldı
Kanada polisi Sent-Lourens çayının sahilindəki bataqlıqda bir uşaq da daxil
olmaqla altı nəfərin meyitini tapıb.
Mövcud məlumata görə, itkin düşən şəxslər barədə polisə məlumat verildikdən
sonra, meyitlər hava kəşfiyyatı zamanı Sahil Mühafizəsi tərəfindən aşkar edilib.
Ölənlər Kvebek əyalətinə aid ərazidə tapılıblar. Onların kimlikləri
müəyyənləşdirilir.
Hüquq-mühafizə orqanlarının əməkdaşları qeyd edirlər ki, hadisə ilə bağlı
yerli əhali üçün heç bir təhlükə görmürlər.
Mənbə: CBC