Keçmiş məcburi köçkün: “Zabuxdan on nəfərlə çıxmışdıq, indi üçümüz qayıdırıq”
Bizim WhatsApp kanalımıza buradan abunə ola bilərsiniz
“Laçından, Zabux kəndindən 10 nəfərlə çıxmışdıq, amma bu gün üç nəfərlə
qayıdırıq”.
Bu sözləri Cixisyolu.com-a açıqlamasında keçmiş məcburi köçkün, Zabux kənd sakini
Zərifə Süleyman qızı Alıyeva deyib.
O bildirib ki, doğmalarının ən böyük arzusu Zabuxa qayıtmaq olsa da, bu günü
görmək onlara qismət olmayıb:
“Qayınanamın, qayınatamın ən böyük arzusu Laçını, Zabuxu görmək olsa da, ömür
vəfa etmədi. Bu gün üç nəfərlə doğma yurdumuza qayıdırıq. Sevincimizi sözlə
ifadə edə bilmirik. Bizə bu sevinci, xoşbəxtliyi bəxş edən Ali Baş Komandanımız
İlham Əliyevə, Birinci vitse-prezidentimiz Mehriban Əliyevaya, müzəffər
Ordumuza minnətdarlığımızı bildiririk. Allah şəhidlərimizə rəhmət eləsin,
qazilərimizə cansağlığı versin!”
Xatırladaq ki, bu gün Laçın rayonunun Zabux kəndinə Bakının Qaradağ
rayonundakı “Qobu Park-3” yaşayış massivindən 25 ailə (94 nəfər) yola salınıb.
Bunadək Zabuxa 21 ailə (94 nəfər) köçürülüb.
Aytac Qasımova