Lüksemburqda katolik keşiş dini mərasimləri pabda keçirir
Kilsə təmirə bağlandıqdan sonra irland keşişi Maykl Kusak dini mərasimləri
pabda keçirməyə başlayıb.
Onun sözlərinə görə, hakimiyyət Lüksemburqdakı katolik kilsəsini altı ilə
qədər davam edə biləcək uzunmüddətli təmir üçün bağlayıb. Lakin dini xidmətlər
üçün başqa yer nəzərdə tutulmayıb.
O, İrlandiyanın “Hop House 13” pabının sahiblərinə müraciət edərək, bazar
günləri, obyektin bağlı olduğu vaxtlarda kütləvi dini tədbirlər üçün yer
ayırmağı xahiş edib.
Pabın sahibi əvvəlcə keşişi saxtakarlıqda şübhəli bilsə də, sonradan onunla
razılaşıb.
Keşiş qeyd edib ki, əslində kilsə arxeoloji işlərə görə bağlanıb. Onun altında
şəhər divarlarının qalıqları axtarılır.
Mənbə: rossaprimavera.ru