“Nine Senses” mərkəzi “Anima” rəqəmsal studiyasının açılışını elan edib –
FOTO/VİDEO
Bizim WhatsApp kanalımıza buradan abunə ola bilərsiniz
Oktyabrın 28-də Beynəlxalq Animasiya Günü çərçivəsində “Nine Senses”
Yaradıcılıq və Özünü İnkişaf Mərkəzi rejissor Emin Mirabdullayevin rəhbərliyi
ilə “Anima” animasiya studiyasının və fotoqraf İlkin Zəfərlinin rəhbərliyi ilə
bədii-kreativ fotoqrafiya və mobiloqrafiya studiyasının açılışını edəcək.
Tədbirin təşkilatçılarının sözlərinə görə, günün proqramı müxtəlifdir və hər
kəs özü üçün maraqlı mövzular tapa biləcək.
“Siz tədbirə uşağınızla gələ və ya tək qatılaraq vaxtınızı təhsilə həsr edə
bilərsiniz ki, bu da sonradan sizin hobbinizdən yeni bir peşəyə çevrilə bilər”,
– deyə məlumatda qeyd olunub.
Beynəlxalq Animasiya Gününün proqramı:
Saat 14:00-da tamaşaçılar rejissor Emin Mirabdullayevin dünya animasiyasına
dair interaktiv məşğələlərinin təqdimatına dəvət olunacaqlar.
Qonaqlar yeni studiyada animasiya videosunun yaradılması prosesində iştirak
edə biləcək və burada “stop motion” (cansız əşyaların kadrda hərəkəti)
animasiyasının necə yaradıldığını görəcəklər.
Sonra hər kəs İlkin Zəfərlinin əsərlərinin təqdim olunacağı animasiya
miniatürləri sərgisinə dəvət olunacaq.
Hər bir ekspozisiyanın işıq və atmosferlə özünəməxsus dünyası təqdim ediləcək.
Fotoqraf istənilən mürəkkəblik səviyyəsində çəkilişlər və işıqla işləmək üçün
mövcud alətlər dəstindən mühit yaratmaq üzrə master-klas keçirəcək.
Qonaqlar, həmçinin telefonlarından istifadə edərək İlkin Zəfərlinin
“Freezelight” dərsində iştirak edə biləcəklər. Qeyd edək ki, “Freezelight” –
fəzada işıqla şəkil çəkmək sənətidir.
Sonra tədbirin iştirakçıları tamaşa zalında dünya animasiyasının klassiklərinə
baxa, 19:00-da isə Dünya Animasiya Gününü ecazkar “ecstatic dance”lə qeyd edə
biləcəklər.
Yalnız həmin gün siz “Anima” rəqəmsal studiyasına 50 faiz endirimlə bilet ala
biləcəksiniz.
Tədbirə giriş pulsuzdur.
Müraciət üçün telefon: (055) 255 54 12
