ABŞ prezidenti Donald Tramp daxili təhlükəsizlik naziri Kirsten Nilsenin istefası fonunda ölkənin miqrasiya siyasətini sərtləşdirməyi planlaşdırır.
Bu barədə “The Wall Street Journal” etibarlı mənbəyə istinadən informasiya yayıb.
Nəşrin yazdığına görə, Tramp Ağ Evdəki müşavirlərini miqrasiya qanunvericiliyinin sərtləşdirilməsində daha fəal şəkildə iştirak etməyə çağırıb.
Ağ Ev rəhbəri başlıca olaraq, ABŞ hüdudlarına qanunsuz yolla daxil olan qeyri-leqal mühacir ailələrin sayının azalmasına nail olmağa çalışır.