Xəzərdə itkin düşmüş iranlı dənizçi axtarılır

Xəzərdə itkin düşmüş iranlı dənizçi axtarılır

Baxış sayı: 7. 740 dəfə baxılıb.

Dünən axşam saatlarında İran İslam Respublikasının Port və Dəniz Administrasiyasından Azərbaycan Fövqəladə Hallar Nazirliyinin Böhran Vəziyyətlərində İdarəetmə Mərkəzinə İran bayrağı altında üzən “TARADİS” yük gəmisinin Xəzər dənizinin Azərbaycan Respublikasına aid olan hissəsində olarkən bir nəfər heyət üzvünün itkin düşməsi ilə əlaqədar axtarışların aparılması üçün müraciət daxil olub.

Bu barədə ÇıxışYolu.Com-a Fövqəladə Hallar Nazirliyindən məlumat verilib. 

Məlumat aidiyyəti dövlət qurumlarına ötürülüb.

Fevralın 26-da, səhər saatlarından Fövqəladə Hallar Nazirliyinin Aviasiya dəstəsinin helikopteri və Dövlət Sərhəd Xidmətinin Sahil Mühafizəsinin iki gəmisi axtarışlara cəlb olunub.

Əlavə məlumat veriləcək.​

www.ÇıxışYolu.Com