Yaponiya Türkiyəyə humanitar yüklərin çatdırılmasında NATO-ya kömək edəcək
Yaponiya hakimiyyəti NATO ölkələrinə zəlzələlərdən əziyyət çəkən Türkiyəyə
humanitar yüklərin çatdırılmasında kömək etmək üçün Özünümüdafiə Qüvvələrinə
məxsus təyyarə göndərmək qərarına gəlib.
Bu barədə Yaponiya Xarici İşlər Nazirliyinin yaydığı bəyanatda deyilib.
Qeyd olunub ki, təyyarə çərşənbə axşamı Pakistana uçacaq, Türkiyəyə
çatdırılması lazım olan humanitar yardım partiyası oradadır. Bundan əlavə,
Yaponiya hakimiyyəti zəlzələlərin nəticələrinin aradan qaldırılması ilə bağlı
bilik və təcrübələrini NATO ilə bölüşmək niyyətindədir.
Yaponiya bundan əvvəl də Türkiyəyə həkimlər və xilasedicilərdən ibarət qrup,
həmçinin bir neçə humanitar yardım təyyarəsi göndərib.
Mənbə: TASS