Səudiyyə Ərəbistanı Tehranın Hörmüz boğazını bağlayacağı təqdirdə İrana zərbələr endirəcək.
ÇıxışYolu.Com xəbər verir ki, bu fikirləri Səudiyyənin energetika naziri İbrahim əl Muxanna deyib.
Onun sözlərinə görə, Tehranın bu boğazı bağlaması üçün səlahiyyəti yoxdur, çünki Hörmüz boğazının şimal hissəsi İrana, cənub hissəsi isə BƏƏ və Omana aiddir. Əl-Muxanna qeyd edib ki, əgər İran Hörmüz boğazını bağlasa, BMT Təhlükəsizlik Şurası hərbi müdaxil edəcək. O əlavə edib ki, Tehrana qarşı sanksiyalar, çətin ki, dayandırılsın.
“Press TV” telekanalı avqustun 27-də İran Hərbi Dəniz Qüvvələrinin generalı Əlirza Tanqsirinin fikirlərini yayımlayıb. O deyib ki, Tehran Fars körfəzi və Hörmüz boğazına tam nəzarət edir və öz sularını müdafiə etməyə hazırdır.