Suriya prezidenti Bəşər Əsəd ABŞ, Britaniya və Fransanın ölkəsinə endirdiyi raket zərbələri ilə bağlı bəyanat verib.
ÇıxışYolu.Com xəbər verir ki, bu barədə “Reuters” məlumat yayıb.
Əsədin sözlərinə görə, bu hücumlar terrora qarşı mübarizədə Suriya xalqının birliyini daha da möhkəmləndirəcək.
Suriya KİV-nin yaydığı xəbərə görə, Qərb müttəfiqlərinin raket zərbələrindən sonra Dəməşq sakinləri küçələrə axışıb. Onlar əllərində Suriya bayraqları yelləyərək, Suriya ordusu və Suriya prezidenti Bəşərə Əsədə dəstək şüarları səsləndirib.