ABŞ Senatında dres-kod ləğv edildi
ABŞ Konqresinin senatorları kostyum və qalstuk və ya rəsmi qadın geyimi tələb
edən dres-kod ləğv edildikdən sonra iclaslara gündəlik geyimdə gələ biləcəklər.
Verilən məlumata görə, bazar ertəsi Senatda demokratik çoxluğun lideri Çak
Şumer (Nyu-York ştatından) Parlament nümayəndəsinə ondan artıq parlament
üzvlərinin arasında geyim qaydalarına riayət etmək tələb olunmadığını deyib.
“Senatorlar konfrans zalında nə geyinəcəklərini özləri seçə bilərlər. Mən
kostyum geyinməyə davam edəcəyəm”, – deyə Ç.Şumerin bəyanatından sitat
gətirilir.
Həmçinin bildirilir ki, dres-kodun ləğv edilməsinin səbəbi onilliklər ərzində
qanunvericilər üçün tövsiyə olunan iş geyim forması hesab edilən kostyum və
qalstuklardan imtina etməyə başlayan senatorların davranışı olub. Belə ki, Con
Fetterman (Pensilvaniya ştatından olan demokrat) iş üçün dəfələrlə enli şort və
sviterdə gəlib.
Qeyd olunur ki, ləğvetmə Konqres Nümayəndələr Palatasının üzvlərinə şamil
edilmir.
Bu qərar Respublikaçılar Partiyasının nümayəndələrinin tənqidinə səbəb olub.
46 respublikaçı senator Şumerə məktub göndərərək, dres-kodun ləğvindən dərin
məyusluq və kəskin narazılıqlarını ifadə edərək, onun dərhal bərpa olunmasını
tələb ediblər.
“Senatda gündəlik geyim geyinməyə icazənin verilməsi xidmət etdiyimiz quruma
və təmsil etdiyimiz amerikalı ailələrə hörmətsizliyi əks etdirir”, – deyə
məktubda qeyd olunub.
Həmçinin vurğulanıb ki, qanunvericilər üçün heç vaxt rəsmi dres-kod olmayıb,
kişilər ənənəvi olaraq qalstuklu kostyum, qadınlar isə çiyinləri bağlı don və
ya şalvarlı kostyum geyinirdilər. 2019-cu ildə Demokratlar Partiyasının
senatoru Emi Klobuşarın (Minnesota ştatı) təşəbbüsü ilə yuxarı palatadakı
qadınlara qolsuz don geyinməyə icazə verilib.
Xatırladaq ki, bir neçə il əvvəl Nümayəndələr Palatasının qadın üzvlərinə belə
paltar geyinməyə icazə verilirdi.
Mənbə: TASS