ABŞ Türkiyəyə F-35 üçün hissələrin tədarükünü dayandırmaq barədə qərar verib.
RİA Novosti-nin verdiyi məlumata görə, tədarükün dayandırılmasına səbəb Türkiyənin Rusiyadan S-400 zenit-raket kompleklərinin alması olub.
Qeyd edək ki, Türkiyə ABŞ-dan 100 ədəd “F-35 Lightining II” təyyarəsi almaq niyyətindədir.
Mart ayında ABŞ Türkiyənin Rusiya istehsalı olan S-400 zenit-raket komplekslərini əldə edəcəyi halda sərt tədbirlər alacağını bildirmişdi.
ABŞ Müdafiə Nazirliyinin mətbuat katibi Çarlz Sammers bəyan etmişdi ki, Ankara Rusiya ZRK-larını əldə edəcəyi təqdirdə Türkiyənin ABŞ-la hərbi sahədə əməkdaşlığı ciddi çəkildə pisləşəcək.
“Türkiyə S-400-lərə sahib olacağı təqdirdə F-35 qırıcı təyyarələrini və Patriot zenit-raket komplekslərini əldə edə bilməyəcək”, – deyə Ç.Sammers vurğulamışdı.