Ağdamda minaya düşən ANAMA əməkdaşının son durumu AÇIQLANDI – YENİLƏNİB
Bizim WhatsApp kanalımıza buradan abunə ola bilərsiniz
Azərbaycan Minatəmizləmə Agentliyinin (ANAMA) işğaldan azad edilmiş Ağdam
rayonunun Sarıcalı kəndi ərazisində minaya düşən əməkdaşının son durumu
açıqlanıb.
Agentlikdən bildirilib ki, minaya düşən Zaur Mahmudov rayon xəstəxanasına
yerləşdirilib.
Müayinə zamanı daban sümüyü və ayaq daraq sümüklərinin sınığı aşkarlanıb.
Xəsarət alan şəxsə bütün zəruri tibbi dəstək göstərilib. Vəziyyəti
qənaətbəxşdir.
13:57
Azərbaycan Minatəmizləmə Agentliyinin (ANAMA) əməkdaşı Ağdamda minaya düşüb.
Bu barədə ANAMA-dan məlumat verilib.
Bildirilib ki, 2023-cü il 26 dekabr tarixində işğaldan azad edilmiş Ağdam
rayonunun Sarıcalı kəndi ərazisində agentliyin əməkdaşı 1982-ci il təvəllüdlü
Zaur Eldar oğlu Mahmudov xidməti vəzifəsini yerinə yetirərkən piyada əleyhinə
mina partlayışı baş verib.
Xəsarət alan şəxs hadisə yerindən təxliyə edilərək, rayon xəstəxanasına
çatdırılır. Vəziyyəti qənaətbəxşdir.