Ağdamda sağlam ətraf mühit və minalarla bağlı beynəlxalq forum keçirilir –
YENİLƏNİB
Bizim WhatsApp kanalımıza buradan abunə ola bilərsiniz
Qeyri-Hökumət Təşkilatlarına Dövlət Dəstəyi Agentliyinin təşkilatçılığı və
Azərbaycan Minatəmizləmə Agentliyinin (ANAMA) dəstəyilə dünən Bakıda start
götürən “Dayanıqlı inkişaf məqsədlərinə nail olmaq üçün sağlam ətraf mühit və
minasız həyat” adlı beynəlxalq forum bu gün işğaldan azad edilən Ağdam
şəhərində davam etdir.
“Report”un Qarabağ bürosu xəbər verir ki, Ağdama gələn beynəlxalq ekspertlər
ilk olaraq Ağdam Şəhidlər xiyabanını ziyarət ediblər.
Onlar daha sonra Azərbaycanda ilk qadın minatəmizləmə qrupu tərəfindən
siçovullar və itlərlə minatəmizləmə işlərinin aparıldığı sahə ilə tanış olublar.
Günün ikinci yarısında Ağdam şəhərindəki Konfrans Mərkəzində 15 beynəlxalq
ekspert və yerli QHT nümayəndələrinin iştirakı ilə beynəlxalq konfrans davam
etdirilib.
11:30
Qeyri-Hökumət Təşkilatlarına Dövlət Dəstəyi Agentliyinin təşkilatçılığı ilə
“Dayanıqlı inkişaf məqsədlərinə nail olmaq üçün sağlam ətraf mühit və minasız
həyat” adlı Beynəlxalq forumun iştirakçılarının Ağdama səfəri başlayıb.
APA-nın Qarabağ bürosu xəbər verir ki, forum iştirakçıları əvvəlcə Ağdam
Şəhidlər Xiyabanını ziyarət ediblər. Şəhidlərin xatirəsi bir dəqiqəlik sükutla
yad edilib. Qonaqlara Ağdam şəhidlər xiyabanı haqqında məlumat verilib.
Bildirilib ki, Xocalı soyqırımı və birinci Qarabağ müharibəsində şəhid olan
hərbi və mülkü şəhidlərimiz burada dəfn olunub. Daha sonra forum
iştirakçılarının minadan təmizlənmiş əraziyə baxış nəzərdə tutulur.