Aİ Ukraynaya hərbi yardım fondunu artırır: Milyardlarla dollar ayrılacaq
Bizim WhatsApp kanalımıza buradan abunə ola bilərsiniz
“Avropa İttifaqı (Aİ) Ukraynaya hərbi yardım göstərilməsi üçün ayrılacaq
məbləği beş milyard avro artırmaq qərarına gəlib, lakin Macarıstan buna görə
məsuliyyət daşımır və bu məqsədlər üçün vəsait ayırmayacaq”.
Bu barədə Macarıstanın xarici işlər və xarici iqtisadi əlaqələr naziri Peter
Siyarto Aİ xarici işlər nazirlərinin Brüsseldə keçirilən görüşündə bildirib.
O qeyd edib ki, döyüş ruhu qüvvədə qalıb və iclas iştirakçıları Avropa Sülh
Fondunun beş milyard avro artırılması barədə yekun qərar qəbul ediblər.
“Bu vəsaitdən Ukraynaya yardım üçün istifadə ediləcək”, – deyə Siyarto əlavə
edib.
Onun sözlərinə görə, Macarıstan qərarın qəbuluna bitərəf qalıb və fondla bağlı
hər hansı siyasi və ya maliyyə öhdəlik daşımayacaq.
“Bu o deməkdir ki, biz tələb olunan 50 milyon avronu ödəməli olacağıq, lakin
bununla nə etmək istədiyimizə özümüz qərar verəcəyik”, – deyə nazir bildirib.
O qeyd edib ki, Macarıstanın bu fonda verdiyi töhfə əsasən Qərbi Balkanlar
regionunda sabitliyin və təhlükəsizliyin möhkəmləndirilməsinə yönəldilə bilər.
Mənbə: TASS