Ali Mangera: “Qarabağda tikinti işlərində süni zəkadan istifadə etmək olar”
“Azərbaycanın Qarabağ bölgəsində tikinti işlərində, parkların salınmasında
süni zəkadan istifadə etmək mümkündür”.
“Report” xəbər verir ki, bunu memar və layihələndirici Ali Mangera “Şəhərsalma
Həftəsi 2023” tədbirləri çərçivəsində Bakıda keçirilən “Sağlam şəhərlər,
inkişaf edən icmalar: şəhərsalma vasitəsilə həyat keyfiyyətinin yüksəldilməsi”
mövzusunda 2-ci Milli Şəhərsalma Forumunda deyib.
“Qarabağ çox fərqli bölgədir. Burada qədimlik, xatirələr, insanların sevinc və
kədərləri var. Ona görə də, Qarabağı başqa məkanlarla müqayisə etmək doğru
deyil. Belə məkanlarda tikinti işlərində süni zəkadan istifadə etməklə maraqlı
nəticələr əldə etmək olar”, – deyə o əlavə edib.
Ali Mangera vurğulayıb ki, Qarabağ süni zəkadan istifadə edilməklə bərpa və
yenidənqurma işləri aparmaq üçün möhtəşəm fürsətdir:
“Süni zəka bizə bir-birinə oxşar binaların tikintisindən uzaq olmaqda da kömək
edə bilər”.