Amerika Kubokunun qrup mərhələsinin üçüncü turunda Braziliya millisi Peru komandasını darmadağın edib.
«Sovetski sport» xəbər verir ki, azarkeşlər oyunda 5 cavabsız qolun şahidi olub.
Braziliyanın heyətində Kazemiro (12), Firmino (19), Everton (32), Dani Alves (54) və Villian (90) fərqlənib.
Bu qələbə sayəsində Braziliya millisi qrupda yeddi xal toplayaraq pley-off mərhələsinə birinci yerdən yüksəlib. Peru millisi isə 4 xalla üçüncü yerə düşsə də, pley-off şansını itirməyib.