Kənd Təsərrüfatı Nazirliyi yanında “Aqrolizinq” Açıq Səhmdar Cəmiyyətinin (ASC) qarşısında konkret tapşırıqlar qoyulub. Əsas tələblərdən biri odur ki, biz yerlərdə görüşlər keçirməli, kəndli və fermerlərin qarşılaşdıqları problemlərin araşdırılması ilə birbaşa məşğul olmalıyıq.
ÇıxışYolu.Com xəbər verir ki, bu sözləri “Aqrolizinq” ASC-nin yeni təyin olunan sədri Seymur Mövlayev Xaçmazda fermer və təsərrüfatçılarla görüş zamanı jurnalistlərə açıqlamasında bildirib.
O qeyd edib ki, kəndli və fermerlərin qarşılaşdıqları problemlərin araşdırılaraq həlli yollarının tapılmasında onlara yaxından kömək göstəriləcək.
S.Mövlayev bildirib ki, qısa müddətdə 23 rayonda fermerlərlə və müvafiq qurumların nümayəndələri ilə görüşlər keçirilib.