Arif Əsədov milli komandaya görə başqa təklifdən imtina edib
Bizim WhatsApp kanalımıza buradan abunə ola bilərsiniz
“Təklif olsa da, Azərbaycan yığmasının məşqçisi olduğum üçün bundan imtina
etdim”.
Bu sözləri AZƏRTAC-a açıqlamasında futbol üzrə Azərbaycan millisinin məşqçisi
Arif Əsədov yığmadakı gələcəyi ilə bağlı danışarkən deyib.
54 yaşlı mütəxəssis yığma ilə müqaviləsinin uzadıldığını bildirib:
“Sözləşmə avtomatik olaraq yenilənib. Lakin bu barədə ictimaiyyətə məlumat
verilməyib. Düşünürəm ki, hər şey milliyə yeni baş məşqçi təyin olunduqdan
sonra öz təsdiqini tapacaq”.
Qeyd edək ki, Arif Əsədov 2020-ci ildən Azərbaycan millisində köməkçi məşqçi
vəzifəsində çalışır.