Arif Hüseynov: “İşlərimə qiymət verilməsi mənə xüsusi güc verir” – AÇIQLAMA
Bizim WhatsApp kanalımıza buradan abunə ola bilərsiniz
“Şöhrət” ordeni ilə təltif olunduğumdan indi xəbər tutdum”.
Bu sözləri Cixisyolu.com-a açıqlamasında Prezident İlham Əliyevin müvafiq sərəncamı
ilə Azərbaycan rəssamlıq sənətinin inkişafında xidmətlərinə görə “Şöhrət”
ordeni ilə təltif olunan Xalq rəssamıArif Hüseynov deyib.
Rəssam mükafatın onun üçün gözlənilməz olduğunu qeyd edib:
“Şöhrət” ordeni ilə təltif olunduğumu yeni öyrəndim. Əvvəla onu deyim ki, bu
gün mənim 80 illik yubileyimdir. Açığı 80 yaşım olduğum vəsiqəmə baxanda yadıma
düşür. Rəsmlə məşğul olanda heç xatırlamıram. Cənab prezidentin mənim işlərimə
qiymət verməsi xüsusi güc verir. Orden ilə təltif olunmağımın bu günə təsadüf
etməsi maraq doğurur. Ümidvericidir. Gələcəkdə yeni-yeni əsərlər yaratmağa güc
verir.
Qarabağda böyük sərgi etmişəm. Bunlar hamısı nəzərə alınıb. Obyektiv qiymət
verilib. Diqqətinizə görə, minnətdaram”.
Qeyd edək ki, rəssam Arif Hüseynov 1992-ci ildə “Azərbaycan Respublikasının
Əməkdar rəssamı”, 2006-ci ildə isə “Azərbaycan Respublikasının Xalq rəssamı”
adlarına layiq görülüb.
Nəzrin Vahid