AVRO-2024: İtaliya millisindən darmadağın, Macarıstan isə Serbiyaya qalib
gəldi – YENİLƏNİB + VİDEO
Bizim WhatsApp kanalımıza buradan abunə ola bilərsiniz
AVRO-2024-ün seçmə mərhələsində VII tura yekun vurulub.
Cixisyolu.com xəbər verir ki, İtaliya millisi öz meydanında Maltaya böyük hesabla
qalib gəlib – 4:0.
Qolları Cakomo Bonavemtura, dubl edən Domeniko Berardi və Davide Frattezi
vurublar.
Beş matçda 10 xal toplayan İtaliya C qrupunda ikincidir. Malta isə xal toplaya
bilməyib və sonuncu – 6-cı pillədədir.
Günün Macarıstan – Serbiya marşı da meydan sahiblərinin qələbəsi ilə başa
çatıb – 2:1.
Barnabas Varqa və Roland Salayın qollarına qonaqların heyətində yalnız
Straxinya Pavloviç cavab verə bilib. Qələbə macarları G qrupunda birinci yerə
yüksəldib.
Komandanın 13 xalı var. Üç xal az toplayan Serbiya ikincidir.
14.10.2023, 22:01
AVRO-2024-ün seçmə mərhələsinin VII turunda daha iki oyun keçirilib.
Cixisyolu.com xəbər verir ki, Litva səfərdə Bolqarıstana qalib gəlib – 0:2.
Qələbə sayəsində xallarını beşə çatdıran Litva G qrupunda dördüncüdür. İki
xalı olan Bolqarıstan sonuncu – beşinci pillədə qərarlaşıb.
H qrupunda Sloveniya Finlandiyanı qəbul edib. Qarşılaşma meydan sahiblərinin
böyük hesablı qələbəsi ilə başa çatıb – 3:0.
Bu qələbədən sonra 16 xalı olan Sloveniya qrupda vahid liderdir. Finlandiya 12
xalla üçüncüdür.
21:23
AVRO-2024-ün seçmə mərhələsində VII turun iki oyunu keçirilib.
Cixisyolu.com xəbər verir ki, C qrupunda yer alan Ukrayna Çexiyanın paytaxtı Praqada
qəbul etdiyi Şimali Makedoniyanı məğlub edib – 2:0.
Qolları 30-cu dəqiqədə Georgi Sudakov və 90+5-ci dəqiqədə Aleksandr Karavayev
vurublar.
Qələbə sayəsində xallarını 10-a çatdıran Ukrayna qrupda ikincidir. Komanda
lider İngiltərədən üç xal geri qalır, üçüncü İtaliyadan isə eyni qədər öndədir.
Lakin italyanlar iki, ingilislər bir oyun az keçiriblər.
H qrupunda Şimali İrlandiya öz meydanında San-Marinoya böyük hesabla qalib
gəlib – 3:0. Qolları Pol Smit, Coş Maqennis və Konor Makmenamin vurublar.
Şimali İrlandiya hazırda altı xalla qrupda beşincidir. Sonuncu – altıncı olan
San-Marinonun xalı yoxdur.
Faiq Tahirov