AYNA gömrük postlarında gözləyən yük maşınlarının sayını açıqladı
Bizim WhatsApp kanalımıza buradan abunə ola bilərsiniz
Azərbaycan-Gürcüstan sərhədində yerləşən “Qırmızı Körpü” gömrük postunda 60
yük maşını gözləyir.
Bu barədə Rəqəmsal İnkişaf və Nəqliyyat Nazirliyi yanında Azərbaycan Yerüstü
Nəqliyyat Agentliyindən (AYNA) bildirilib.
Qurumun gömrük-sərhəd məntəqələrində çıxışda gözləmədə olan nəqliyyat
vasitələrinin sayı barədə məlumatına əsasən, “Biləsuvar” gömrük postunda 35,
“Mazımqara” gömrük postunda 15, “Samur” gömrük postunda 50 və “Xanoba” gömrük
postunda beş yük maşını var.
“AYNA gömrük-keçid məntəqələrində yük maşınlarının sayı ilə bağlı
daşıyıcıların məlumatlandırılmasını davam etdirir. Bu da onlara səfərlərini
planlayarkən gömrük postundakı mövcud vəziyyətə uyğun olaraq addım atmağa imkan
yaradır”, – deyə məlumatda qeyd edilib.