Azərbaycan Basketbol Liqasında çıxış edəcək son iki klubun adı açıqlanıb
Azərbaycan Basketbol Liqasında (ABL) 2023/2024 mövsümündə iştirak edəcək son
iki klubun adları və loqoları müəyyənləşib.
Azərbaycan Basketbol Federasiyasından verilən məlumata görə, bunlar Bakını
təmsil edəcək “Xəzri” və Sumqayıt şəhərinin eyniadlı komandasıdır.
Qeyd edək ki, “Sabah” ötən mövsüm liqada çempion olub. “Gəncə” ikinci, NTD
üçüncü yeri tutub.