Azərbaycan cüdo üzrə Avropa çempionatında tarixi qələbəyə imza atıb
Bizim WhatsApp kanalımıza buradan abunə ola bilərsiniz
Azərbaycanın cüdo üzrə milli yığması aprelin 25-dən 27-dək Zaqrebdə keçirilən
Avropa çempionatında iki qızıl və bir gümüş medal qazanaraq bu günə qədər ən
yaxşı nəticəni əldə edib (1993-cü ildən bəri).
Cixisyolu.com-ın məlumatına görə, Elcan Hacıyev 90 kq çəki dərəcəsində Azərbaycanın
ilk Avropa çempionu kimi tarixə düşüb.
O, rəqibləri arasında olan gürcüstanlı, Olimpiya çempionu və bu kateqoriyada
nömrə bir cüdoçu – Laşa Bekaurini məğlub edib.
Bundan əlavə 73 kq. çəki dərəcəsində dünya reytinqində nömrə 1 olan Hidayət
Heydərov karyerasında 4-cü dəfə Avropa çempionu titulunu uğurla qoruyub.
Balabəy Ağayev isə kişilər arasında 60 kq. çəki dərəcəsində gümüş medal
qazanıb. Cüdoçularımız Turan Bayramov (-60 kq.), Aydan Vəliyeva (-52 kq.),
Murad Fətiyev (-90 kq.) və Zelim Kotsoyev (-100 kq.) 5-ci yerə çıxıblar.