Azərbaycan gimnastları beynəlxalq turnirdə yeddi qızıl medal qazanıblar
Bizim WhatsApp kanalımıza buradan abunə ola bilərsiniz
Bədii gimnastika üzrə Azərbaycan millisinin üzvləri Zəhra Cəfərova və Şəms
Müvəffəgi Qırğızıstanın paytaxtı Bişkekdə keçirilən birinci “Kelechek”
beynəlxalq turnirində yeddi qızıl medal qazanıblar.
Bu barədə Cixisyolu.com-a Azərbaycan Gimnastika Federasiyasından məlumat verilib.
Bildirilib ki, Zəhra böyüklər, Şəms isə gənclər arasında bu nailiyyətə imza
atıb.
Şəms Müvəffəgi çoxnövçülük, halqa, top, gürzlər və lentlə hərəkətlərdə, Zəhra
Cəfərova isə çoxnövçülük və topla hərəkətlərdə fəxri kürsünün ən yüksək
pilləsinə qalxıblar.