Futbol üzrə Azərbaycan Kubokunda 1/8 final mərhələsinə vəsiqə qazanan daha bir
kollektiv bəlli olub.
Cixisyolu.com-ın məlumatına görə, “İmişli” bu raundda iştirak hüququ əldə edib.
Komanda II təsnifat mərhələsində “Cəbrayıl”ı 5:1 hesabı ilə üstələyib.
I Liqa təmsilçisi 1/8 finalda “Kəpəz”lə üz-üzə gələcək.
12:14
Bu gün Futbol üzrə Azərbaycan Kubokunda 1/8 finalın son iştirakçıları
müəyyənləşəcək.
Cixisyolu.com xəbər verir ki, son oyun günündə “İmişli” Şamaxı Olimpiya İdman
Kompleksinin stadionunda “Cəbrayıl”ı qəbul edəcək.
Görüş saat 14:00-da başlayacaq. Qalib komanda 1/8 finalda “Kəpəz”lə görüşəcək.
“Qəbələ” isə doğma meydanda “Baku Sportinq”lə üz-üzə gələcək. Qarşılaşmanın
start fiti saat 15:00-da səsləndiriləcək. Bu cütün qalibi 1/8 finalda
“Qarabağ”a rəqib olacaq.
Qeyd edək ki, raundun əvvəlki oyunlarında “Turan Tovuz” “Hypers Guba”nı (7:2),
MOİK “Şimal”ı (3:1), “Araz-Naxçıvan” “Şahdağ Qusar”ı (4:0), “Kəpəz” “Ağdaş”ı
(6:0), “Səbail” “Dinamo”nu (6:0), “Qaradağ Lökbatan” “Karvan”ı (3:0),
“Mingəçevir” “Zaqatala”nı (1:0), “Difai” “Şəfa”nı (3:2), “Şamaxı” isə “Şəmkir”i
(6:1) məğlub edib. 1/8 final qarşılaşmaları dekabrın 3-4-də keçiriləcək.
31 oktyabr
Azərbaycan Kuboku
II təsnifat mərhələsi
14:00. “İmişli” – “Cəbrayıl”
15:00. “Qəbələ” – “Baku Sportinq”