Azərbaycan Kuboku: Yarımfinala yüksələn ilk komanda “Zirə” olub
Bizim WhatsApp kanalımıza buradan abunə ola bilərsiniz
Futbol üzrə Azərbaycan Kubokunda yarımfinala yüksələn ilk komanda “Zirə” olub.
Cixisyolu.com-ın məlumatına görə, qəsəbə təmsilçisi 1/4 finalda “Səbail”i üstələyib.
İlk görüşdə səfərdə 2:1 hesablı qələbə qazanan Rəşad Sadıqovun kollektivi
uğurlu çıxışını cavab qarşılaşmasında da davam etdirib. Rəqibini bu dəfə 3:0
hesabı ilə məğlub edən “Zirə” yarımfinala adlayıb. Komandanın qollarını Abbas
İbrahim (dördüncü dəqiqə), Rəhim Sadıxov (42) və Rafael Utziq (74) vurublar.
“Zirə”nin yarımfinaldakı rəqibi “Qəbələ” – “Araz-Naxçıvan” cütünün qalibi
olacaq. Komandalar sabah cavab görüşünə çıxacaqlar. “Dalğa Arena”da gerçəkləşən
ilk matçda 1:1 hesabı qeydə alınıb.
Qeyd edək ki, yarımfinal mərhələsinin oyunları aprelin ikisində və 23-də
keçiriləcək.