Azərbaycan Milli Karate Federasiyasının yeni baş katibi bəlli oldu
Azərbaycan Milli Karate Federasiyasının yeni baş katibi bəlli olub.
Federasiyadan verilən məlumata görə, bu post Qabil Sayadova tapşırılıb.
O, ötən il noyabrın sonunda bu vəzifəyə təyin edilmiş Camal Murtuzəliyevi
əvəzləyib.
Qeyd edək ki, WFKU-nun (World Full Contact Karate Union) Azərbaycanda rəsmi
nümayəndəsi, Avropa Kyokuşin Karate Təşkilatının kata və kumite üzrə A
kateqoriyalı referisi, beynəlxalq dərəcəli 5-ci dan qara kəmər ustası,
Azərbaycan Full Kontakt və Kyokuşin Karate Federasiyasının Hakimlər Komitəsinin
sədri və baş hakimi Q.Sayadov, həmçinin Fövqəladə Hallar Nazirliyinin İdman
Sağlamlıq Klubunun məşqçi müəllimi olmuş, Xətai İdman Mərkəzi və Araz-Zəngilan
Peşəkar İdman Klubunun təsisçisi və rəhbəridir.