Azərbaycan Premyer Liqasında “Səbail” “Şamaxı”nı məğlub edib.
Cixisyolu.com xəbər verir ki, IX turun növbəti oyununda paytaxt təmsilçisi 2:0
hesablı qələbəyə sevinib.
Qarşılaşmada ilk qolu 27-ci dəqiqədə Qorka Laruçça rəqib qapısından keçirib.
68-ci dəqiqədə isə Madi Queta yekun hesabı müəyyənləşdirib.
Bu qələbə sayəsində xallarının sayını 7-yə çatdıran “Səbail” turnir cədvəlində
7-ci pilləyə yüksəlib. “Şamaxı” isə 12 xalla 6-cı sırada qərarlaşıb.
Günün ikinci matçında “Sabah” “Araz-Naxçıvan”la üz-üzə gələcək.
Qeyd edək ki, turun açılış matçında “Kəpəz” “Neftçi”ni 4:3 hesabı ilə məğlub
edib.
09:24
Bu gün futbol üzrə Azərbaycan Premyer Liqasında (APL) IX turun daha iki oyunu
keçiriləcək.
Cixisyolu.com-ın APL-in rəsmi saytına istinadən məlumatına görə, günün ilk matçında
“Səbail” evdə “Şamaxı”nı qəbul edəcək.
“ASCO Arena”da start götürəcək görüş saat 17:00-da başlayacaq.
Ardınca saat 19:30-da “Sabah” klubu “Araz-Naxçıvan” kollektivini sınağa
çəkəcək. Qarşılaşma “Bank Respublika Arena”da gerçəkləşəcək.
Xatırladaq ki, dünən turun açılış matçında “Kəpəz” komandası “Neftçi” üzərində
4:3 hesablı qələbə qazanıb.
Azərbaycan Premyer Liqası
IX tur, 5 oktyabr
17:00. “Səbail” – “Şamaxı”
Hakimlər: Əliyar Ağayev, Zeynal Zeynalov, Akif Əmirəli, Elvin Bayramov;
VAR: İnqilab Məmmədov;
AVAR: Namik Hüseynov;
Hakim-inspektor: İmanxan Sultani;
AFFA nümayəndəsi: Kifayət Mustafayeva;
Stadion: “ASCO Arena”.
19:30. “Sabah” – “Araz-Naxçıvan”
Hakimlər: Cavid Cəlilov, Kamran Bayramov, Müslüm Əliyev, Rauf Allahverdiyev;
VAR: Rauf Cabarov;
AVAR: Rəhman İmami;
Hakim-inspektor: Rəhim Həsənov;
AFFA nümayəndəsi: Zümrüd Ağayeva;
Stadion: “Bank Respublika Arena”.