Azərbaycan üzgüçüləri Macarıstandakı beynəlxalq turnirdə 32 medal qazanıblar
Azərbaycan üzgüçüləri Macarıstanın Şopron şəhərində keçirilən yeniyetmələr
arasında beynəlxalq turnirdə 32 medal qazanıblar.
Azərbaycan Üzgüçülük Federasiyasının yaydığı məlumata görə, idmançılarımız 14
qızıl, 8 gümüş, 10 bürünc medal əldə ediblər.
Almaniya, Fransa, Macarıstan, Slovakiya və Xorvatiya kimi komandaların
mübarizə apardığı yarışda 18 üzgüçüdən ibarət yığmanın heyətində Məryəm
Cavadova üç çempionluq, bir ikincilik qazanıb.
Həmçinin Oqtay Hüseynov 2 qızıl, 1 gümüş, 1 bürünc, Amin Oruclu 1 qızıl,
Fərhad Şirməmmədli 1 qızıl, 2 gümüş, 1 bürünc, Xumar Mustafayeva 1 qızıl, 1
bürünc, Daniyal Muhəmməd 2 qızıl, Anastasiya Boborkina 1 qızıl, 1 bürünc,
Əbdürrəhman Rüstəmov 2 qızıl, 2 gümüş, 1 bürünc, Timur Beker 1 qızıl, 1 bürünc,
Mehri Abdürrəhmanlı 1 gümüş, Vlastina Xasyanova 1 gümüş, 1 bürünc, Orxan
Əliyev, Sura Katerina, Ramal Sadıqlı isə 1 bürünc medal əldə ediblər.