Azərbaycanda bu il “Avro-5” standartında dizel və benzin istehsalı nəzərdə
tutulur
Heydər Əliyev adına Neft Emalı Zavodunda (NEZ) həyata keçirilən yenidənqurma
və modernləşdirmə layihəsi çərçivəsində nəzərdə tutulan yeni qurğuların
tikintisi 93%, modernləşdiriləcək qurğuların tikintisi isə 99% yerinə yetirilib.
Cixisyolu.com-ın məlumatına əsasən, bu barədə Nazirlər Kabinetinin 2022-ci ildə
fəaliyyəti haqqında hesabatda qeyd olunub.
Yenidənqurma və modernləşdirmə layihəsinin məqsədi yüksək keyfiyyətli məhsul
istehsalı ilə bərabər ətraf mühitə mənfi təsirlərin minimuma endirilməsidir.
“2022-ci ilin sonuna yeni qurğuların tikintisi 93%, modernləşdiriləcək
qurğuların tikintisi isə 99% yerinə yetirilib. Layihə çərçivəsində “Avro-5”
standartlarına uyğun dizel və benzin yanacaqlarının 2023-cü ildə istehsalı
nəzərdə tutulub”, – deyə hesabatda bildirilib.
Qeyd edək ki, hesabatı Milli Məclisdə Baş nazir Əli Əsədov təqdim edir.
Aqşin Kərimov