Bloqer Mehin Oktaylının (iconmekh) səhhətində problem yaranıb.
Cixisyolu.com xəbər verir ki, bu barədə bloqer özü “Instagram” hesabında məlumat
yayıb.
O, boğazında xərçəng aşkarlandığını bildirib:
“Öncə tamam başqa bir səbəbdən şübhələnib bədxassəlidir dedilər. İstanbulda
aydınlaşdırdıq ki, qorxulu nəsə yoxdur. Ancaq Bakıda etdirdiyim test
nəticəsində şübhələndiyim yerdə yox, tamam başqa bir nahiyədə (boğazımda) həmin
xəstəlik aşkar edildi. Ailəm və dostlarım ilə bu dövrdən də keçəcəyəm.
Risksiz əməliyyatla birdəfəlik bədənimdən çıxacaq. Siz nə qədər öz gücünüzlə
nələrisə dəyişməyə çalışsanız da, həyatın öz planını pozmağınız mümkün deyil.
Bir ildir ki, ən böyük xəyalım – xaricdə yaşamaq məsələsində bu qədər qəribə
pozulmalar niyədir? Bu gün aydın oldu. Mən belə bir halı tez öyrənə bilim,
öyrəndiyim anda uzaqda deyil, ailəmlə öhdəsindən gəlim deyə. İlahi sistemə
güvənin. Hər şey xeyrinizədir.”
