Azərbaycanlı qadın hakimlər Türkiyədə 3 oyun idarə edəcəklər
Azərbaycanın qadın hakimləri Türkiyədə futbol oyunlarını idarə edəcəklər.
AFFA-nın rəsmi saytı xəbər verir ki, FIFA referisi Fəridə Lütfəliyeva,
köməkçiləri Sevda Nuriyeva və Gülnurə Əkbərzadə Antalya və Alanya şəhərlərində
təlim-məşq toplanışında olan qadınlardan ibarət milli komandaların hazırlıq
xarakterli turnirinə təyinat alıblar.
Türkiyə Futbol Federasiyasının müraciəti əsasında AFFA Hakimlər Komitəsi
tərəfindən qardaş ölkəyə ezam olunan hakimlər bu gün Estoniya – Kosovo,
fevralın 18-də Makedoniya – Bolqarıstan, fevralın 21-də isə Estoniya –
Makedoniya matçlarını idarə edəcəklər.