Türkiyə və Rusiyanın ortaq istehsalı olan “Kalbimin sultanı” adlı tarixi serial dünəndən etibarən yayımlanmağa başlayıb.
ÇıxışYolu.Com xəbər verir ki, güclü aktyorları ilə seçilən ekran işində azərbaycanlı aparıcı, aktrisa və yazar Gülay Hüseynova da yer alıb.
Gülayın “Reyhan kalfa” obrazı serialdakı önəmli rollardan biridir.
Onun rol aldığı serial 44 ölkədə yayımlanacaq.
Qeyd edək ki, Hüseynova 3 ildir aktrisalıq və kino sahəsi ilə bağlı dərslər alır. Hazırda isə “Aşk-ı Memnu”, “Kara Sevda” və “Fatmagül’ün Suçu Ne?” kimi serialların tanınmış rejissoru Hilal Saraldan aktrisalıq dərsləri almağa davam edir.
Onu da bildirək ki, Gülay Hüseynova “P.S. Zaten boyun da küçüktü” və “Ve bir amerikano…” kimi Türkiyədə bestseller olmuş kitabların müəllifidir. O, Azərbaycanda bir sıra filmlərdə, seriallarda çəkilib və onların ssenarilərini yazıb.
