Azərpaşa Nemətovun vəzifələrini kim icra edir?
“Azərbaycan Teatr Xadimləri İttifaqına sədr 2024-cü ildə seçiləcək”.
Bunu “Qaynarinfo”ya açıqlamasında Xalq artisti, Azərbaycan Teatr Xadimləri
İttifaqının sədr müavini Hacı İsmayılov deyib.
O, həmin müddətə kimi ittifaqın sədr vəzifəsini özü idarə edəcəyini bildirib:
“2024-cü ildə konfrans keçirilməlidir. Konfrans 5 ildən bir keçirilir. Həmin
konfransda sədr seçilməlidir. Həmin vaxta kimi bu vəzifəyə seçkinin keçirilməsi
qeyri-mümkündür. Ancaq o vaxta qədər sədri əvəz edən müavini olacaq”.
Qeyd edək ki, Azərbaycan Teatr Xadimləri İttifaqına sədri Xalq artisti
Azərpaşa Nemətov idi. O, bu vəzifəyə 1996-cı ildə seçilmişdi. Azərpaşa Nemətov
aprelin 9-da dünyasını dəyişib.