AZAL Almatıya reyslərini ləğv edib
“Azərbaycan Hava Yolları” QSC (AZAL) Qazaxıstanın Almatı şəhərinə həyata
keçirməyi planlaşdırdığı reysləri ləğv edir.
Bu barədə Cixisyolu.com-a AZAL-dan məlumat verilib.
Bildirilib ki, bu qərar Qazaxıstanda baş verən hadisələrlə əlaqədar qəbul
edilib:
“Bakı – Almatı marşrutu üzrə və əks istiqamətdə reyslərə bilet almış bütün
sərnişinlərə biletin dəyəri tam geri qaytarılacaq və yaxud pulsuz yenidən
rezervasiya təklif olunacaq”.
Qeyd edək ki, Bakı – Almatı reysləri hər həftənin cümə günləri, Almatı-Bakı
reysləri isə hər həftənin şənbə günləri həyata keçirilir.