ABŞ Hərbi Hava Qüvvələrinin Kaliforniyanın Vandenberqdəki bazasında “Minuteman 3” ballistik raketi sınaqdan keçirilib.
ÇıxışYolu.Com xəbər verir ki, bununla bağlı “Associated Press” məlumat yayıb.
Sınaq zamanı raket döyüş hissəsi ilə təchiz olunmayıb. Uğurlu həyata keçirildiyi deyilən sınaqla bağlı əlavə məlumat verilməyib.
“Minuteman 3” raketi 1970-ci ildən ABŞ ordusunun silahlanmasına daxil edilib və 1978-ci ildə onun istehsalı dayandırılıb. Raket 12 min kilometr radiusda olan hədəfi məhv etmək gücündədir.