Ötən gün sosial şəbəkələrdə üç ay öncə qəzaya düşərək ayağı amputasiya olunan səkkiz yaşlı Leyla adlı qıza yardım kampaniyası başlayıb.
ÇıxışYolu.Com xəbər verir ki, ayağına protez qoyulmasına və əməliyyat olunmağa maddi imkanı olmayan Leylaya müğənni Səbinə Əskərova yardım əlini uzadıb.
Bu barədə jurnalist Hacıbəy Heydərli məlumat verib. O bildirib ki, Leyla Səbinənin dəvəti ilə Bakıya gəlib və müayinə olunub.
Qeyd edək ki, əməliyyat üçün tələb olunan 12 min manat vəsaitin hamısını isə müğənni qarşılayacaq.