“Bakı Metropoliteni”nin mətbuat xidməti Qara Qarayev stansiyasında qatarların üz-üzə gəlməsini şərh edib.
Qurumun mətbuat katibi Bəxtiyar Məmmədov ÇıxışYolu.Com-a açıqlamasında bildirib ki, hadisə ötən gün saat 13:15-də radələrində baş verib:
“Qatarların birində tunelə daxil olan zaman texniki nasazlıq yaranıb. Sərnişinlər stansiyada düşürülüb. Digər qatara icazə verilib ki, stansiyaya daxil olaraq maşinistə kömək etsin. Nasazlıq aradan qaldırılıb. Qatarların intervalında əlavə 7-8 dəqiqə gecikmə yaranıb”.
Qurum rəsmisi qeyd edib ki, nasazlıq yaranan qatar texniki qaydalara uyğun olaraq depoya göndərilib.
16.17
Bakı metrosunda qorxulu anlar yaşanıb.
ÇıxışYolu.Com Goldnews.az-a istinadən xəbər verir ki, metronun Qara Qarayev stansiyasında iki qatar üz-üzə gəlib.
“Dərnəgül” istiqamətində gedən qatarın qarşısına əks istiqamətdə hərəkət edən qatar çıxıb.
Xoşbəxtlikdən toqquşma baş verməyib.
İlhamə ƏBÜLFƏT
www.ÇıxışYolu.Com